Products I've used up !

بسم الله الرحمن الرحيم

السلام عليكم .


اليوم بتكلم عن Empty products  , او علب فاضيه .
الفكره اني اعرض لكم الاشياء اللي استخدمتها وخلصت واقول رايي فيها.
وهل برجع اشتريها او لا ، مو شرط انو عشان خلص الشي فهو كويس احيانا تحسين حرام انك ترمينه عشانه مو عاجبك ، طالما انو ماظرك طبعا ، اما اذا حسيتي انو مثلا كريم وطلع لك حبوب او شي طبعا ارميه ، لكن اتكلم عالاشياء اللي ماتحبينها لاسباب بسيطه .

خلينا نبدأ

من اليمين ، بودي سبراي بالمسك من ذا بودي شوب تكلمت عنو قبل احب استخدمه كثير وما استغني عنه 

هل ب ارجع اشتريه او لا ؟ اي ان شاء الله

بعد كذا من صانصلك وغارنييه احب استخدمهم اذا بجعد شعري قبل الجل "واحد منهم بس مو ال ٢ "لان شعري من النوع اللي يطير ويبهذلني ،ف يساعدون انهم يرطبون الشعر ، اللي من صانصلك قوامه اثقل شوي بس كلهم يودوون نفس الغرض .

هل ب ارجع اشتريهم او لا ؟ يمكن واحد منهم بس واذا لقيت شي ثاني ممكن اجربه وما اخذ ولا واحد فيهم

بعد كذا اسكينول بالخيار ، جميل ويحسسك بانتعاش لكن المشكله بالريحه جدا ماتقبلتها استخدمته لاني كنت مضطره مو لاقيه اللي بالليمون ، لين قبل فتره لقيته بصيدليه وايتس واخذته الحمد لله

هل ب ارجع اشتريه او لا ؟ ان شاء الله بس مو هذا اللي بالليمون 

اللي بعدو عطر مونتال ، روز مسك برضو تكلمت عنو ببوست العطور قبل ، ريحته جميله واعتبره اساسي مثل سبراي المسك

هل ب ارجع اشتريه او لا ؟ ان شاء الله لين اصير اكرهه خخخخ 

بعدين ماسك من لوريال جميل جددا ، اول كنت استخدم الماكاديميا لكن مثل ماتعرفون انقطع "سمعت انو رجع بنزيه " وبعدها صرت ادور على ماسك و شفت مدح كثير على لوريال ف جربت هذا الاورانج وكمان جربت نوعين غيره من لوريال بس بصراحه هذا الاورانج هو الافضل يذكرني كثير ب ماسك الماكاديميا ، طبعا مو نفس الشي بالضبط لكنه الاقرب ، وماحبيت الانواع الثانيه ف ان شاء الله برجع لهذا .

هل ب ارجع اشتريه او لا ؟ ان شاء الله اي 

اللي فوقه كريم النهار من ذابودي شوب من مجموعه فيتامين E ، هذي ثاني مره اشتريه ، ويوم خلص حسيت انو لازم اغير يمكن في انواع احسن وانا معلقه على هذا خخخخ ، هو جميل ويرطب واهم شي مايخلي وجهك يلمع خخخ لكن الوقايه من الشمس اللي في 15 بس وكنت حابه شي يكون 30 لانو افضل ف قررت اجرب شي ثاني ف عشان كذا حاليا ما اعتقد برجع اشتريه يمكن اذا مالقيت شي يناسبني ارجع لك 

هل ب ارجع اشتريه او لا ؟الاجابه بالسطر اللي قبل خخخخ

نروح للصف اللي قدام من اليمين 

ازعجتكم ببودرة الحواجب حقت ذابودي شوب صح ؟ خخخخخخ ماراح اتكلم كثير بس اخيرا خلصت وحاست لي الدنيا مثل ما انتو شايفين ، طبعا الاسود ما استخدمه ممكن انظف العلبه من بواقي البني واستخدمه ك شاودو ، مدري اشوف ..

هل ب ارجع اشتريه او لا ؟ اكيد بإذن الله بس افكر اخذ اللي يجي درجتين بني افضل لاني ما استخدم الاسود


اللي بعدو من بيوديرما الشهير خخخ ، كثير تكلمو عنو ف قررت اجربه وبما انو مثل المويه استخدامه جميل يعني لو بنص اليوم حسيتي تحتاجين تنظفين وجهم تقدرين تستخدمينه بدال غسول الوجه لانو ماينفع تغسلين وجهك كثير راح تجف بشرتك ،
بس برضو بعدو راح تحتاجين مرطب شوي لانه يجفف نوعا ما ، 
هل ب ارجع اشتريه او لا؟ ان شاء الله 


بعد كذا ماسكرا من ماكس فاكتور ، حلوه للاستخدام اليومي فقط ما تكثف ولا تطول الا شي بسيط ، فرشتها حلوه احسها تدخل بين الرموش مو مثل اغلب المسكررات تحسين انك بس تمر فوق الرموش ..
هل ب ارجع اشتريه او لا ؟ حاليا ما اعتقد لانو ودي اجرب ماسكرات مابيلين  ، احد جرب من عندهم شي محدد وعجبته ؟ غير الصفرا طبعا .

ووبس بكذا يكون خلصنا بوست اليوم

اذا عندكم استفسار او اقتراح راسلوني عالايميل او الآسك 
its.n@live.com http://ask.fm/itsN9
او على حسابي بالتويتر على هذا الرابط https://twitter.com/itsN9
وكمان لاتنسون تشتركون بالبلوق من فوق عاليسار "الانضمام لهذا الموقع"