Beauty Haul !

بسم الله الرحمن الرحيم

السلاام عليكم ، 

كيفكم ياحلوات ؟ 
جيتكم ب Haul صغير نوعا ما ، 
لكن حبيت اوريكم الاشياء اللي شريتها قريب .

نبدأ ب The body Shop
اول شيئين اخذتهم كانو عندي وخلصو 
اللي هم 

 سبراي المسك للجسم ، احس المسك شي اساسي يكون عند اي بنوته سواء كان دهن زي اللي عند عبدالصمد القرشي او البودي سبراي ، احب استخدم تبع بودي شوب بعد الشاور ابخ على كل جسمي .

الشي الثاني اللي هو صابونة الوجه ب فيتامين E ، تعجبني لانها خفيفه مو زي الغسولات الثانيه وبنفس الوقت تنظف واهم شي عندي اني لما اغسل وجهي بالمويه تروح بسرعه لاني لاحظت كل الغسولات اللي جربتها مره تجنني بالغسيل احسها ,
تبقى وبرضو تنفع لجميع انواع البشره .

 والشي الاخير من the body shop هذي ال Massager ماقد جربتها قبل بس سمعت ناس كثير يمدحوها للسلوليت ف إذا جربتها واستمريت عليها اهم شي وهو شي شبه مستحيل بس بحاول عشان اقولكم :*




Banana Republic

هذا عطر من بنانا ، خلوني اقولكم سالفته اول ، انا اعشق بيوتي من كالفن كلاين وكل ما خلص ارجع اخذه ، بس هالمره قلت بجرب شي جديد من باب التغيير يعني ، ف لما رحت بنانا شفت العطور قلت خليني اجرب عطر من عندهم خصوصا انو قبل عجبني عطر عندهم ، المهم تعرفين لما تشمين عطور كثير وخشمك يصدع خخخخ ، ايوه بالضبط وعجبني هذا بالمحل واخذته ، لما رجعت للبيت بصراحه ماحسيته "انا" يعني مو شين بس مايناسبني ف اعطيته اختي :D 


 Markes & spencer

وبعد قررت اجرب عطور Markes & spencer لاني سمعت اشياد كويسه عنها ف اخذت هذا وبصراحه حلو لكن قوي بس ما اعرف قد ايش ممكن يقعد ،لكن ما اعتقد اني بستخدمه لكل يوم ، بس جميل وحبيته .



 Sephora

واخيييرا شريت الشي الدمييل هذا من SEPHORA من benift، طبعا كنت مخططه عالتنت بس ماكنت ادري انو في ست على بالي بس للوردي والاورانج ،
لكن لما شفته كذا ست قلت احسن برضو لانك تجربين كذا شي بنفس الوقت ، ودايما اشياء الميك اب افضل الصغيره لان احسها ماتخلص بسرعه .



LUSH

واخييرا زي ماتعرفون مشكلة ادماني على لش ، بصراحه كنت حاطه ببالي اني باخذ ال "King of skin" -اللي تكلمت عنها بالبوست اللي  قبل- لانها كانت عندي من فتره وخلصت ، وقلت ماراح اطالع يمين ويسار بطلع دايريكن :D ، لكن قال لي اللي بالمحل انهم ماعاد يجيبونها :( مره انقهرت ، وقال لي هذا الشي اللي بالصوره "turkish deulght" نفس فكرة كينق اوف سكين ونفس طريقة استخدامها ,وبرضو قد سمعت عنو ريفيوز كويسه ، فقررت اجربه وان شاء الله اذا استخدمته بسوي عنو ريفيو كامل .
وبسس .


اذا عندكم استفسار او طلب ريفيو لشي تقدرو تردون تحت او تراسلوني عالايميل
its.n@live.com
بليز لاتنسون تشتركون بالبلوق من فوق عاليسار "الانضمام لهذا الموقع"