بسم الله الرحمن الرحيم .
السلام عليكم ورحمة الله
Hellllllo everyyyone !
اهلا ياحلوات كيفكم ؟
لي فتره طويله عن المدونه والبوستات ، لدرجة انو مأنبني ضميري .
ماعلينا ، المهم انو قبل فتره رحت ل لش ونزلت صوره بالتويتر اذا حابين تشوفون ايش شريت
وفي بنتين جميلات سوو لايك ، ف لكم جميعا وللعسولات الثنتين خصيصا هذا البوست .
أول شي الأغراض مو كلها لي ، لأني كنت ابي اهدي بعض الأشياء .
Rose jam
شاور جيل بريحة الورد كان من الاشياء الحصريه ، وكنت احتاج شاور جل فقلت اجربه
ريحته مثل ماهو موصوف علي ورد حبيته لكن ما اعتقد برجع اخذه ثاني لاني احب اغير بالشاور جل دايم .
Happy Happy joy joy
بلسم للشعر ريحته تعجبني استخدمته قبل لكن هذا اخذته لانو كنت بهديه .
King of skin
حبيبتي الدائمه خخخخخ تكلمت عنها كثير هي عباره عن مرطب للجسم يستخدم جوا الشاور .
Turkish delight
عباره عن بلسم ومرطب للجسم لكن احس انو في رغوه شوي بس ماينفع يصير بديل للشاور جل او الصابون ابدا ، ترطيبه متوسط لعادي وريحته جمييله .
واخيررا للبانيو باث بومب على شكل سنو مان .
مثل ماتشوفون اغلب الاشياء كانت عندي قبل لانو كنت ابي اهديها ، وما احب اهدي شي من لش ما جربته قبل ,لاني شخصيا منتجات لش يا اعشقها يا اكرهها مافي شي احسه عادي
* وبس هذي آخر مشترياتي من لش ، التدوينه الجايه ودي تكون عن الشراء اونلاين لانو موضوع عليه طلب كثير
ودي يكون عن موقع معين ف إذا ودكم تشوفون كيف تطلبون من موقع محدد ، سوولي منشن بالتويتر وان شاء الله بسوي عنه .
لاني حاطه بعد موقع ببالي اكتشفته قريب لكن انتظر شحنتي توصل عشان يصير عندي تفاصيل اكثر بإذن الله .
---
شي اخير قبل انسى شكرررا من الاعماق على ١٣٢٥٣ مشاهده للصفحه ، صدق تعني لي الكثير حتى لو ماتكلمت ، جالسه افكر اني بديت المدونه بس هدفي لو بنت وحده تستفيد شي من اللي اكتبه ، واني اوصل هالرقم شي كبير بالنسبه لي ، حتى لو ماتشوفونه رقم واو مره لكن بالنسبه لي مره مهم ، مجرد اني ادري اني افدت بنت او ثنيتن او حتى لو ما افدتهم خليتهم يبتسمون بيوم او ينبسطون ببوست هذا يكفيني لاني بكذا حققت الهدف اللي فتحت هالمدونه بالبدايه عشانه ، وعشان اكون صريحه معكم اغلبكم كان يعرفني ك نوف بس بدون اي تفاصيل وهالشي كنت قاصدته يعني كانت صديقه وحده بس اللي تعرف عن المدونه ، حسيت انو بكذا راح اكون على طبيعتي اكثر ، ف ما نشرتها بين اهلي وصحباتي ابد ، بس قبل فتره لما جلست اشوف انو في بنات يقولون انو جالسين يستفيدون من الاشياء اللي اكتبها قررت انشر خبر المدونه بين صديقاتي بعد ، ومبسوطه انهم جالسين يقرون لي "أحبكم اذا جالسين تقرون "
شكرا للجميع واتمنى اني مازلت اقدم شي مفيد لكم .
لوف يو
