بسم الله الرحمن الرحيم
السلام عليكم ورحمة الله .
بوست اليوم بيكون عن العطور ،بتكلم عن اكثر الي تعجبني واستخدمها
واعذروني على وصف الريحه ، لاني احسها موهبه خخخخخ
وللاسف ماهي عندي . بس بحاول اقولكم المكتوب عليها .
بسم الله نبدأ ..
خلينا ناخذ اللي عاليمين لحال ،
من اليمين
بيوتي من كالفن كلاين ، هذا الشي عشقي الابدي ،مستحيل استغنى عنه كل مايخلص اجيب واحد ثاني ريحته جمييييله تنفع لجميع الاوقات تقريبا .المكون الاساسي الياسمين والعنبر والخشب اعتقد .
اللي بعدو الصغير مسك من عبد الصمد القرشي ، بنظري مستحيل القى افضل من مسكهم ، زمان كنت استخدم مسك عادي بس قبل سنتين يمكن اكتشتف انو عندهم شي اسمه مسك الختام مرره حبيته ومن يومها وانا معتمدته ، حلو استخدامه بعد الشاور والجسم شوي رطب على اماكن النبض وكمان يستخدم للشعر .
اللي بعدو .Mancera Roses Greedy
يتكون من ورد مع مسك ، اتوقع عشان كذا حبيته ، اي عطر في مسك ، فانيلا او مسك وياسمين بيطلع جمييل ، حلو للطلعات لانو شوي ثقيل .في منو اللي يجي وردي ما اعرف ايش الفرق بينهم بس حبيت هذا الفوشي اكثر بكثير .وبرضو احسه احساسي عندي مثل بيوتي.
اللي بعدو مو مونتال Roses Musk
احب استخدمه مع الاول بيوتي مره يعطون ريحه جميله وبرضو ينفع للطلعات ، من اسمه اهم مكوناته ورد ومسك برضو خخخخخخ بس يختلف عن اللي قبله طبعا .
نروح للقسم الثاني
هذي البودي سبلاشز ،
من اليمين فيكتوريا سيكريت ، اسمه sheer love اخذته قبل فتره لاني كنت بجرب ثبات عطور فيكتوريا ، وشفت كثير يمدحون هذا ، ريحته حلوه اذا برد ، لكن ما اعتقد برجع اخذه ثاني ، ثباته بعد مو مره يعني يادوب يبان بعد فتره.
الثاني والرابع والخامس من باث اند بودي ، بغض النظر عن ب ايش ما يثبتون ابدا !
ف خليتهم للغرفه لان ودي اخلصهم .
اللي بالنص مسك من ذا بودي شوب احبه مره ، بشكل عام المسك يحسسك بالنظافه والانتعاش سواء كان بودي سبلاش ولا دهن ولا اي شي ، اعتقد اللي من عبد الصمد يكفي عن هذا ك بعد الشاور. لكن تبع ذا بودي شوب احب استخدمه باي وقت مو شرط بعد الشاور.
وبس
اذا عندكم استفسار او اقتراح راسلوني عالايميل او الآسك
its.n@live.com http://ask.fm/itsN9
او على حسابي بالتويتر على هذا الرابط https://twitter.com/itsN9
وكمان لاتنسون تشتركون بالبلوق من فوق عاليسار "الانضمام لهذا الموقع"
نفس السله من وين يا عسل
ردحذفاهلا ياجميله ،
حذفمن ايكيا :*
روز مسك من مونتال احححبه بشكل ❤️
ردحذفتُشكري ��