November Favorites

السلام عليكم .

كيفكم ياحلوات ؟
اليوم جيتكم ب November favorites او الاشياء اللي كنت استخدمها بهالشهر بكثره وحابتها


 نبدأ بسم الله بشكل عام

اول شي خلينا نبدأ بالكريمات 

الكريم هذا من مجموعة فيتامين E من ذا بودي شوب ، استخدمه للنهار لان فيه نسبه واقي شمس ، ومن فتره هو اللي معتمدته .

 

 الشي الثاني مزيل الميك اب من نفس المجموعه برضو ، احب استخدمه اذا حابه امسح الكحل او شي بسيط ، اذا ميك اب كامل افضل اني استخدم مناديل مزيل المكياج اسهل ، لان هذا يحتاج قطن ومشوار :D

بودرة الحواجب الشهيره من ذا بودي شوب ، هي الافضل بنظري واعتقد بتكون بمفضلاتي كل شهر ، ماراح اتكلم عنها كثير لانها جدا معروفه والكل يتكلم عنها .

هذي الفرشة الجميله من MAC وهي الشي الوحيد اللي عندي من فرش ماك ، استخدمها للحواجب وللايلاينير،
بصراحه ما اقدر اقول انها الافضل لاني ما قد جربت غيرها ، لكنها راائعه .

للشهر هذا عندي بلاشرين من مفضلاتي ، الاول من MAC كريمي ، لونه على وردي جميل . مره احبه 
احسه مناسب لكل الاوقات يعني سواء صباح او ليل ، وكمان يجلس اكثر من ٤ ساعات لانو كريمي طبعا .

والثاني الشي الجميل هذا من The balm من جد انا متفاجآه بجودة هالماركه ، قهر انهم ماجابوها عندنا :/ طبعا كالعاده كل شي يوصلنا متأخر او مايوصل نهائي ، احلا شي عجبني فيه غير لونه ملمسه يعني ما احسه زي الرمل او البودره اللي تتفتت ، ملمسه ناعم ولونه جميل ، احيانا استخدم تبع ماك اللي بالصوره اللي قبل بعدين فوقه هذا يطلع لون جميل ، بس جد افكر اجرب اشياء اكثر من هالماركه .

وآخر شي من البيوتي فيفورت هو Lip liner او محدد من ايستي لودر رقمه ١ ، لكن بصراحه انا استخدمه ك روج ، لكن قبل لاتحطينه ضروري ضروري ترطبين شفايفك ، لان لاحظت لو حطيتيه بدون ترطيب وطلعتي مثلا وبعد كم ساعه حيروح + بتبقى الحدود وبيصير منظر فمك تحفه :D وكمان الترطيب يخلي فيه لمعه شوي يعني مو مات مرره .

 
كذا خلصنا من ال Beauty وخلينا نروح للاشياء العشوائيه .

اول شي ساعه من Casio  , لما شريتها كنت اقول بنفسي ما اتوقع اني بلبسها كثير مره ، لكن يابنات ماتتصورون لو قلت لكم اني صرت البسها تقريبا كل يوم ، لان لونها ذهبي واسود = تمشي مع كل الالوان وزياده على كذا بيطلع شكلها يجنن لو لبستي معاها اساور ، وبرضو اي لون اسواره بيكون معاها جميل .

الشي الجميل هذا زي ما انتو شايفين شمعه من Bath & Body works طبعا الكل يدري ان شموعهم جميله من ناحيه انو ريحتها تبان لما تشغلينها مو مثل باقي الشموع شكل بس ماتبان الريحه الا اذا دخلتي خشمك بالعلبه :D 
لكن بصراحه مو كل روائح باث اند بودي تعجبني ،
 هذي الجميله ريحتها لذيييذه ، فانيلا + لافندر يعني من جد تنفع للاسترخاء ، وبرضو تطول على ماتخلص ، لكن نصيحه اذا سوا المحل تخفيض خذو زي ماتبون لان تصير مره رخيصه بالنسبه للسعر الاصلي . 


وبسس ياجميلات خلصنا ..
مرره انبسطت اليومين اللي راحت لما دريت انو جد في ناس باعداد كويسه يتابعون حتى لو كانو مايردون او يقولون لي 
ممتنه للحلوات اللي يتابعوني من قريب او من بعيد لبعيد :* 
 والجميله اللي طلبت مني اكبر الصور ، كبرتها لعيونك ♥

ان شاء الله اكون افدتكم لو بشي بسيط من بوست اليوم 
اذا عندكم استفسار او اقتراح راسلوني عالايميل 
its.n@live.com
او على حسابي بالتويتر على هذا الرابط
https://twitter.com/itsN9
وكمان لاتنسون تشتركون بالبلوق من فوق عاليسار "الانضمام لهذا الموقع"