LUSH !

-

بسم الله الرحمن الرحيم 

السلام عليكم
يسعدلي صباحكم \ مساكم يا حلوات
كيفكم مع الأجواء الجميله ؟

اليوم جيتكم ب بوست متحمسه له من زمان
اللي يتكلم عن LUSH زي ماتعرفون وقلت قبل اني من عشاق هالمحل ف اليوم بتكلم إيش هي إيش منتجاتهم ليش بالذات لش !
وكمان بوريكم أفضل أشياء أحبها من عندهم وفادتني . 

أول شيء هي عباره عن شركه بريطانيه
يصنعون أشياء للشاور بشكل عام ، للاهتمام بالبشره وكمان عطور . 
والجميل فيها ان اشاءهم طبيعيه + ماجربوها على الحيوانات ف هدفهم كمان الحفاظ على البيئه .

مكان المحل بالسعوديه بالرياض فقط"الفيصليه الدور الثالث وهو الأكبر، والمملكه الدور الأول" كان فاتح بجده فرع وتسكر ، عموما تقدرين تطلبين من موقعهم إذا إنتي خارج الرياض 

طيب نتكلم عن منتجاتهم شوي
* صابون
* شامبو صلب
*بلسم للشعر أو الجسم
* شاور جل وبنفس الوقت شامبو
*مرطبات للجسم والوجه
*مقشرات للجسم
*اقنعه للوجه وكمان غسول
* عطور سواء صلبه أو عاديه
*و كمان أشياء المغطس مثل مايقولون 
وبرضو عندهم اشياء ميك اب بسيطه مثل الاساس .

، لما تدخلين المحل راح تلاقين قطع كبيره من الصابون مثل كذا 

وأنتي تختارين اللي يعجبك ويقطعون لك منه على قد ماتبين سواء كان صابون للجسم أو شامبو صلب ،
عالأجناب بالغالب يحطون المنتجات وجنب كل مجموعه صحن صغير في التيستر إذا حابه تجربينهم. 

وكمان في صف للشاور جيل + شامبو بنفس الوقت 

والصف اللي بعدو بيكون لاشياء البانيو والمغاطس 
 

وأخيرا والشئ اللي أحبو جدا عندهم قسم الهدايا 


 
 * الصور اللي فوق مو انا مصورتها لقيتها بالنت 

 
تيجي مغلفه جاهزه وعليها ورقه من برا تبين إيش جواتها مثل كذا 

طبعا مره فكره حلوه انك تهدين وحده من لش ، 

بكذا خلصنا إيش هي منتجااتهم ، الحين خليني أتكلم عن مجموعه منها بالتفصيل،
طيب بتقولون لي لش بالذات ؟
لأنو عباره عن أشياء طبيعيه يعني يصنعون منتجاتهم بأشياء مفيده للبشره والشعر وغير كذا أغلب روائحهم جميله وتبقى خصوصا إذا كانت للشعر.

أخيرا بتكلم عن بعض منتجاتهم ،
نبدأ ب الشامبو الصلب 

  فكرته انك تبللين شعرك وبعدها تستخدمين الشامبو الصلب على شعرك دايريكت ،
الحلو فيه انه سهل الاستخدام + له انواع كثيره ل حسب نوع شعرك 
اللي بالصوره اسمه Godiva وهو بريحة الياسمين ، تقريبا هذي ثالث وحده استخدمها 
ريحتها جميله وترطب الشعر ، اذا شايفين القطع اللي فيها عباره عن مرطب للشعر بنفس الوقت ، لكن اذا ماتحبين ريحة الياسمين ما انصحك فيها لان الريحه قويه شوي + تبقى بالشعر لفتره ، لكن شخصيا اشوفها جميله جدا .

هذا الشي الجميل برضو شامبو لكن جاي بعلبه + على سائل شوي ، 

اسمه Curly wurlyيستخدم للشعر الجاف فيه قطع نارجين مثل ما انتو شايفين

ترطيبه عالي وكويس لكن عيبه انو بعد الشاور ممكن تبقى قطع صغيره من النارجين لشعرك ، حاليا غيروه لكثر ما اشتكو الناس من هالشي لكن بالنسبه لي اشوفه يخلص بسرعه لانه مايرغي كثير + غالي ، ف ما اعتقد اني بشتريه ثاني

 

Retread الشي الجميل هذا بلسم على ماسك يعني مايستخدم كثير ، مرتين الى ٣ مرات بالاسبوع كافي لانو عباره عن معالج للشعر التالف اكثر من انو بلسم وصفه بالموقع يقول "بلسم ثلاثي القوة لتنعيم الشَعر المتعب والمجهد.بمزيج رائع من الشّمام و الجوجوبا والزبادي ،لتغذي الشعروتعيد حيويته وبريقه" ريحته كويسه ما اقول انو مرره حلوه ولا سيئه للدرجه اللي ماتطاق .

*الصوره من موقعهم  

  Jungle برضو عندهم بلسم صلب مثل اللي بالصوره عباره عن مزيج الفواكه الرائع من الأفوكادو و التين و الموز و باشين فروت كلها مخلوطة بزبدة الكاكاو التى تليّن خصلات شعرك المجعده وتجعلها كالحرير .
يعجبني لكن استخدامه صعب شوي يعني تاخذين قطعه صغيره وتحاولين تذوبينها بعدين تستخدمينها .

American cream وهذا بلسم سائل للشعر ووصفه بالموقع يقول"مزيج الفانيليا والفواكه الطازجة من البرتقال و الفراولة التي تجعل رائحته مشهية ومثيره للإلتهام !" بصراحه ريحته مافيها نقطة فراوله او برتقال لكنه ك بلسم جميل يرطب الشعر وريحته تبقى ف اذا ماحبيتي ريحته لاتفكرين تاخذينه ابدا .

 

 

 نروح لحاجات الجسم .، اول شي بتكلم عنه شي جميل جدا جدا قبل ما اتكلم عنه انصحكم فيه ، لو قالو لي ماتاخذين من لش الا شي واحد بيكون هذا الشي الجميل اللي اسمه "Aqua Mirabilis" ووصفه بالموقع يقول "مزيج قشر اللوز المطحون الذي يعمل على إزالة الخلايا الميتة والورد يتحد فى تناغم جميل مع خشب الصندل لينعم ويلطف البشرة ، بينما الكاكاو و زبدة اللوز يرطبان البشرة ويعملان على إمدادها بالعناية اللازمة لها. للحفاظ على بشرة جميلة ومتألقة دائماً. لن تستطيع مقاومة تأمل جمال بشرتك طول الوقت ! " 
هو عباره عن مقشر ومرطب بنفس الوقت ، بعد ماتخلصين الشاور وجسمك لسى مبلول مرريها على جسمك هي فيها زي الصنفره اللي تقشر الجسم وبرضو فيها مرطب بعد كذا غسلي جسمك بالمويه واطلعي من الشاور بتحسين برطوبة تبقى يوم كامل ماراح تحتاجين كريم بعد الشاور ، 
في منها نوع ثاني اسمه Buffy ، ترطيبها اقوى بكثير من هذي ، لكن بصراحه احس بزياده يعني كانك تصيرين حاطه جلسرين او كريم ثقيل ، يعني ممكن تستخدمينها اذا اخذتي شاور قبل النوم ، انا شخصيا ما احب الكريمات واشياء الترطيب الثقيله لكن اذا انتي تحبينها بتعجبك Buffy كثير .
وطبعا مثل اي سكرب تستخدم مرتين بالاسبوع الى مره .

  وبما اننا نتكلم عن المقشرات هذا الشي اسمو ocean salt للوجه والجسم ، وهو عباره عن مقشر باملاح البحر ومعاه جوز هند ، ريحته تحسسك انك عالشاطئ ، لكن لما جربته على وجهي حرقني انا قلت يمكن من الملح،
 صحيح لما غسلته وجهي صار في بقع حمرا شوي وراح ،لكن خليته لجسمي ، كويس وجميل لكن احس مايستاهل سعره في مقشرات للجسم كثير ارخص وكلها تسوي نفس النتيجه وخصوصا ان العلبه صغيره ، لكن اذا ناسب وجهك احس بيجلس معاك فتره وبيفيدك .

 
*الصوره من موقعهم
 
King of skin شي جمييل جدا للبشره الجافه خصوصا بالشتا قبل النوم احسها بين  Aqua Mirabilis و Buffy  لكن بدون مقشر + تقدرين تتحكمين بنسبة الترطيب
يعني اذا حابه يكون كثير تقدري تزيدي ، وطريقة استخدامها نفس Aqua Mirabilis بالضبط بعد الشاور وبعدين رشي مويه على جسمك وخلاص ، برضو احسها تنفع لشاور قبل النوم وماتنفع للصباح .

طيب ، بصراحه ما استخدمت اشياء كثيره للوجه من عندهم ، لكن هالشيئين الجميله مرره حبيتها ، 9to5 عباره عن كريم منظف من تركيبه زيت اللوز وزهرة الاوركيد ،
والبخاخ وصفه بالموقع "حينما تقوم بمزج ماء الورد الملطف مع زيت الخزامى وتضعه على بشرتك ، سوف تشعر حينها بقوه سحرية، كانت بشرة وجهك في حاجة لها. وبغض النظر سواء كانت بشرتك حساسة أو جافة أو حتى"  

طريقة استخدامه بعد ماتغسلين وجهك سواء بعد مكياج او غيره وزعي شوي من الكريم على وجهك وبخي من البخاخ على وجهك بعدين جيبي قطنه وامسحي وجهك ، وشوفي ايش يطلع بالقطنه ، بتحسين انك ماغسلتي وجهك ، وكمان يحسسك بانتعاش ، مره منتجين جميلين ، ال 9to5 حاليا مخلين علبته شفافه يعني اذا حابه تشترينه بتلاقين العلبه غير.

واخر منتج اللي بتكلم عنه العطر الصلب هذا Lust بريحة الياسمين ،
ريحته تحسسك انك جالسه تشمين ورده يعني اذا ماتعجبك الروائح هذي ماراح يعجبك ابدا ، بصراحه انا ماخذته لوحده كان عاجبها من فتره ولما رحت آخر مره كانو مسوين تخفيض ٥٠٪ على العطور ف اخذته لها .

ووبس ، بكذا يكون خلص بوست اليوم .

اتمنى تكونو استفدتو واستمتعتو ،اي استفسار او تعليق بانتظاركم ياجميلات ،

ولاقتراحاتكم او حابين تشوفون ريفيو لشي معين من لش او غيره قولو لي 

its.n@live.com