Review : Ro's Argan Body Conditioner

-

بسم الله الرحمن الرحيم ،
السلام عليكم ورحمة الله ..

مبارك عليكم الشهر ، وكل عام وانتم بخير يارب ..

قبل كل شي ، ادري انو من زمان ماكتبت شي ، والواقع مافي اي عذر ، لكن انا ماخذه التدوين ك شي عفوي ..
ف اذا حسيت انو ما اقدر امسك الكيبورد واجلس اكتب بكل راحه ، افضل اني ما اكتب شي ابدا ،
هذا ماينفي انو جد اشتقت لهالمكان ، وان شاء الله بحاول ارجع مثل اول واحسن ، لكن احتاج اقتراحاتكم وارائكم بالبوستات الجايه ان شاء الله ..

البوست اليوم راح يكون ريفيو عن منتج من لش اللي هو  Ro's Argan Body Conditioner
بالبدايه هذا فيديو يوضح كيف سووه هنا "قصرو عالصوت في ميوزك "

عباره عن "لوشن غني بمكوناته المرطبة من زبدة الشيا وزيت اللوز وزبدة الكاكاو بالاضافة لرائحته الجذابة من مطلق الورد وعصير التوت"
هذا بالضبط اللي مكتوب بالموقع ..بس بالفيديو + اعتمادا على اسمه ف يحتوي على زيت الأركان او ال Argan ، له فوائد كثيره للبشره والشعر .

قوام المنتج كريمي مثل اي كريم عادي ، لونه على بيج . 

طريقة استخدامه .. بعد الشاور يوضع على كامل الجسم  ثم يغسل بالماء فقط ، بيعطيك ترطيب كويس ، مايعتبر عالي جدا للناس اللي تحب الكريمات الثقيله بعد الشاور ، لكن ترطيبه جدا كويس ، متوسط . 
ينفع يستخدم بدون غسيل لكن تراعين انك تستخدمين كميه قليله مره وراح يعطيك ترطيب عالي جدا  . 

بالنسبه للشي اللي ماعجبني بالبدايه ، الريحه مو مره تقبلتها ، ماتعتبر شينه"تميل للسويت كثير" لكن ماتقبلتها لاني كنت استخدمه ك لوشن عادي .
بعد استخدامين جربت استخدمه ك بلسم بعد الشاور والريحه كانت اخف بكثير وتقبلتها مره . 

قاعده مهمه لما تجين تشترين اي شي من لش تأكدي انك تحبين الريحه للمنتج اللي بتشتريه ، لان اغلب منتجات لش روائحها تبقى فيك لوقت طويل .

بشكل عام ، 
ـ اذا حابه ترطيب عميق استخدميه ك لوشن عادي بس الريحه راح تبقى معاك طول اليوم .
ـ اذا حابه ترطيب متوسط استخدميه ك بلسم بعد الشاور وغسليه بالمويه .

ووبس

 
اذا عندكم استفسار او اقتراح راسلوني عالايميل او الآسك 
its.n@live.com http://ask.fm/itsN9
او على حسابي بالتويتر على هذا الرابط https://twitter.com/itsN9
وكمان لاتنسون تشتركون بالبلوق من فوق عاليسار "الانضمام لهذا الموقع"